أبـــــــــيها- جديد

السلام عليكم ورحمة الله وبركاته


انا اللي بالزمان ابحث عن اللي تفهم الصوره
عن اللي ترسم الباقي وتاخذ لو بعض عمري
ابيها ترفع الشمعه بليل انتحر نوره
يطول ولابغى طيفه يغيب ارتعت من فجري
ابيها لاتكى صوتي لصمتي واعلن الثوره
تردد شعري بنبره اضيع فبحرها واسري
ابيها طفله صارت لها الدمعات ماسوره
تفك حبالها لامن خطر في بالها هجري
ابيها فرحه تترك عيون الناس مقهوره
من اللي لاضحك حظه يبيع بسوقه ويشري
ابيها لااشتعل شوقي وقال الله من جوره
ترد بصوتها الدافي على يمناك من بدري
ابيها لاانتهى الموعد تروح وتحضن الصوره
واعيش بقلبها ليله سناها ينتهي بامري
انا اللي بالفراغ ابحث لاني عايش اسطوره
لان المنطق الاعمى عن الاحساس ما يدري




بدر ابن عبدالله الدلبحي العتيبي
20 / 11 / 1425