هلاوووو يا غالين

شلونكم؟ إن شاء الله بخيررر


موضوعنا هذا عن طريقة عمل درس بنفسنا

نبدا بسم الله ..
أغلب الدرس حيكون حجي وأتمنى يكون واضح ..

اول شي اكو طريقتين معروفتين لعمل الدروس:

الطريقة المنتشره هي يكون الدروس صوره طويله كامله ... عرضها بين الـ 450 و 750 pixel ، والارتفاع حسب ما تحتاجون بس ما يكون كلش طويل .. (عادة هاي الطريقه ما تناسب الدروس الاحترافية الطويله..)

>> مـثــال عـلـيـــه


ثاني طريقة اللي هي شرح التيكست، النص العادي ينكتب هنا مع توضيح بالصور المنفصلة كل وحده عن الثانية

>> مـثــال عـلـيـــه

(وهاي هي الطريقة اللي اتبعها دائماً وافضلها.. )




حشرح الطريقة الأولى أول شي ..

الطريقه الأولى نفتح عمل جديد بالمقاس اللي نريده وميتجاوز بالعرض 750 px مثل ما وضحنا فوكَ .. لأن هذا حيخرب شكل الصفحه وحيكون جبير زياده عن المعقول والمطلوب
والارتفاع حسب ما نحتاج بس ميكون جداً طويل ..

ونرتبه مثل منريد بعض الناس مثل الأخ المنسي (سامي) يسوي صورة الدرس على شكل تصميم أيضاً حتى يزيد جماله ويكون جذاب أكثر

>> مـثـال عـلـيـــه





نبدا تطبيق الدرس بنفسنا ..
يعني مثلاً سويت درس عن الـ Color Balance

1- فتحت الصوره اللي اريد اطبق عليها وسيفتها كصوره خفيفة للويب (رح اشرح لاحقاً شلون نسيف للويب ..)
حتى اكَول هاي الصوره اللي حبدا اشتغل عليها ..

اذا حنبدا بعمل فارغ .. نكَول فتحنا عمل فارغ ونصورله صوره اذا نريد بس هو أفضل حتى يكون كل شي واضح ..

2- واجيب الصوره هاي واخليها بالعمل الجديد اللي سويناه كدرس .. نصغرها اذا نحتاج نصغرها بما يناسب ..

3- هسه نروح على القائمه اللي نريدها ونروح عالخيار المطلوب ونضغط زر الـ Print Screen على الكي بورد .. عادة يكون مختصر بـ Prt Scrn
ويكون موجو عالجهة اليمنه من الكي بورد

(آني لالتقاط الصور بالدروس استخدم برنامج ورح اكَوللكم عليه بهذا الدرس واخلي لنكات اله هم حتى تحملوه بنفسكم)

4- ونفتح ملف جديد بالفوتوشوب رح نلكَاه بقياس معين منلعب بي وندوس اوكي (هذا القياس يكون الفوتوشوب حدده من عنده على حسب حجم الشاشه اللي احنه التقطنالها صوره)
ولمن ينفتح ندوس Ctrl + V حتى تنلصق الصورة عالعمل الجديد الفتحناه ونعدل عليه مثل منريد
يعني نخلي عليه اسهم، كلام للتوضيح، حقوق اذا نريد، Highlights (اللي هي خطوط حمره خفيفه او صفره او بأي لون لتمييز مكان معين بالصوره حتى يتركز نظر القارئ عليه) .... الخ
نشيل الأجزاء المنريدها من الصوره ..

5- ورا ما نكمل نسوي Flatten للعمل او .. نسيفه كصوره .. ونفتحه بالفوتوشوب ونوديه لملف الدرس اللي فتحناه اوووول شي ونخليه هناك نصغره اذا يحتاج ..

هسه اول متاخذون صوره للقائمة حتكون هيجي المفروض ..



اذا شلتو الأجزاء اللي مو مهمه من الصوره هيجي حتكون


بس للقائمة والخيار





مثال ثاني ..
لمن تنفتح النافذة نسوي اللي نريدها بيها نغير الارقام مثلاً حتى يكون كل شي واضح للقارئ .. وناخذ برنت سكرين هم .. ونسوي اللي نريده بيها



او ممكن نريد بس النافذة فنشيل اللي منريده من الصوره بالفوتوشوب ..



احياناً نحتاج نصور بس اداة معينة او صندوق مجموعة اداوت مثل هذا:




بعد ما نكمل كل الصور التوضيحية اللي نريدها ونضيفها للدرس مالتنه ونكتب الشرح بالفوتوشوب ونرتب كلشي ..

6- نسيف الدرس كصورة .. للويب

من هنا ..




وتظهرلنا هالنافذه



شايفين بالصوره فوكَ عاليمنه محدده الـ jpeg
هذا هو المفروض .. الا اذا جان عدنه صوره خلفيتها شفافه نختار Png او صوره متحركه نختار Gif

والـ Quality = 65
بس تكَدرون تقللوها شويه او تزيدوها حسب اللي يناسبكم
بس هذا افضل حتى تكون خفيفه يعني 60 او 65
بالنهاية هو درس مو تصميم المهم تكون الصوره مبينه وبس .. يعني ميحتاج دقة عالية

بالنسبة لطريقة الصورة المنفصلة
نفس الشي ناخذ شوتس (لقطات) ببرنامج او البرنت سكرين ونرتبها بالفوتوشوب حسب منريد، ونسيفها كصور منفصله وحدها ونكتب شرحنا وياهه بالدرس لمن ننزله ..


تم شرح كيفية عمل درس الحمد لله


أتمنى يكون كل شي جان واضح واي سؤال آني إن شاء الله موجودة ..